Osy jylǵy qazan aıynyń jıyrmasynda bastalǵan bir aılyq «Brakoner» jedel-profılaktıkalyq is-sharasy aıasynda tabıǵat qorǵaý zańnamasyn buzǵandar, bıologııalyq resýrstar obektileri men ónimderiniń zańsyz aınalymyn uıymdastyrǵandar anyqtalyp, birqatar ekologııalyq qylmys ashyldy.
Júrgizilgen reıdtik sharalar barysynda 17 kúnde tabıǵat qorǵaý zańnamalaryn buzýshylyqtyń 76 deregi belgili boldy. Olardyń ekeýi qylmystyq, qalǵany ákimshilik quqyq buzýshylyq qataryna jatady.
Besinshi qarasha kúni polıseıler Telikól kanalynyń tusynda Shıeli aýdany turǵyny basqarýyndaǵy «Lada» avtokóligin toqtatyp, tekserý barysynda kóliktiń júk salǵyshynan rezińke qaıyq, akkýmýlıator, toq urǵysh qural, qapqa salynǵan balyq alyndy. Tıisti sot-saraptama taǵaıyndaldy.
Atalǵan derek boıynsha Qazaqstan Respýblıkasy Qylmystyq kodeksiniń 335-babynyń 3-bóligimen aýdannyń eki turǵynyna qatysty sotqa deıingi tergep-tekserý áreketteri júrgizilip jatyr.